1966. urtean Bizkaiko “Laminaciones de Bandas de Frio” enpresako 800 langile frankismo garaiko grebarik luzeenaren protagonista izan ziren. Garai historiko gorabeheratsuak ziren, langile-antolakuntza eta frankismoaren aurkako sentimendua gero eta handiagoak ziren. Etxebarri, Basauri eta Otxarkoagako familia eta bizilagunek ondorengo langile-mugimendu osoarentzat oinarrizkoa izango zen langile borroka hasi zuten.

Protagonisten testigantzen eskutik, pasadizo eta bizipenen bidez, diktaduraren oinarriak kolokan jarri zituzten 163 greba-egunen argazkia eraikiko dugu.

Filma EITB2n estreinatu zen, Banden Grebaren 50. urteurrena ospatzeko.