Film honek udan zehar gertatutako ezinezko maitasun istorio errealak erretratatu nahi ditu. Protagonistak adin, sinesmen, nazionalitate eta jatorri desberdinetakoak dira, baina bada parekatzen dituen zerbait: guztiek erabaki dute, oztopoak oztopo, beren maitasuna bizitzea. Ez dakigu istorioek amaiera zoriontsua izango duten edo bidean geratuko diren, baina guztiek, edozer gertatzen dela ere, atsekabe guztiak gorabehera, merezi izango zuten bizitzea. Agian horrela bizitzeak bakarrik du zentzua: urre-koloreko arantza zorrotz batek zeharkaturiko bihotza eskuetan dutela.